روسی ماڈل کے غیر معمولی لمبے پاﺅں سوشل میڈیا پر زیر بحث،تصاویر دیکھیں

ماسکو﴿روزنامہ یورپ انٹرنیشنل﴾ایک روسی حسینہ نے گزشتہ دنوں اپنی تصویر انٹرنیٹ پر پوسٹ کی جس میں اس کے پاوں غیر معمولی طور پر بڑے نظر آرہے تھے۔ میل آن لائن کی رپورٹ کے مطابق جسم کا یہ حصہ 21سالہ اناستاسیا ریسشتوف نامی لڑکی کے پیر تھے۔ اناستاسیا نے 2014ءمیں مس روس کے مقابلے میں بھی حصہ لیا تھا اور دوسرے نمبر پر آئی تھی۔ اس نے لگژری کشتی میں بیٹھ کر بنائی گئی اپنی خوبصورت تصویر پوسٹ کی تو انٹرنیٹ صارفین کی نظر اس کے پیروں کے غیرمعمولی سائز پر جاپڑی اوروہ حیرت زدہ ہو گئے کہ اس کا پاﺅں اتنا بڑا کیسے ہو سکتا ہے۔
بعض صارفین نے تو اس کے پاﺅں کے سائز پر اس کا خوب مذاق اڑایا۔ ایک شخص نے اس کے پیروں کو پیراکی والے لمبوترے جوتوں سے تشبیہ دیتے ہوئے لکھا کہ ”لگتا ہے اس نے فلیپرز پہن رکھے ہیں۔“اناستاسیانے تصویر کے ساتھ لکھا تھا کہ ”ماحول بہت خوبصورت ہے۔“ ایک صارف نے جواب دیتے ہوئے لکھا کہ ”ہم موسم نہیں دیکھ رہے، ہم تو آپ کے پیروں کا سائز دیکھ رہے ہیں۔“